Animaos polos últimos díes soleyeros, quiximos ufrir una retafila de covers de les que se marcaran cuantayá los Blues Brothers, esa banda creada polos cómicos Dan Aykroyd y John Belushi. El Corrector yá nun cuenta con técnicu de soníu, que lu abandonó por perres, y eso nótase. Pero nun ta desanimáu; tai seguros que vuelvi la selmana qu’entra con más material de lo negro y de lo bueno.
El soul enllenó la hora d’El Corrector con temes de distintos palos, grupos y sellos discográficos. Les Supremes cubrieron la primer parte del programa, pa siguir falando y pinchando daqué cosa de southern y acabar poniendo’l ramu al primer mes d’El Corrector con histories y temones de Wilson Pickett. Y de mampurra pa les nuestres oyentes y siguidores (en directo, pela internet, en facebook y en twitter), una canción bien especial. Namás que vos preste.
Nesta edición del programa pinchamos daqué cosa del soul producíu por Stevie Wonder y Marvin Gaye na factoría Tamla Motown. Un programa especial p’aquellos y aquelles que tean d’un tienru que nun s’aguanten, asina tábemos nosotros ayeri.
Nesta entrega d’El Corrector pinchóse xamaicano d’autores, sellos, palos y dómines distintes (dende Phyllis Dillon a The Special AKA, dende Trojan a 2 Tone, dende rocksteady a versiones frenétiques d’skinhead reggae, dende grabaciones feches en Xamaica nel 1967 hasta les feches n’Inglaterra una década depués). Por un problema técnicu, demientres los primeros venti minutos de programa malapenes pue sentise la voz del conductor del mesmu, anque cola música nun hubo problema nengún.
Primer entrega d’El Corrector, programa de música negro, qu’entamó’l camín dedicando esti especial a la figura de Lloyd Knibb, batería de The Skatalites (banda emblemática del ska xamaicano), que morría’l pasáu 12 de mayu. Nesti monográficu repasamos la so trayectoria y pinchamos temes tanto de The Skatalites como de Tommy Mc Cook & The Supersonics, onde tamién participó.
05/07/2011
Categorias
El corrector
Editado por
radiokras
Este audio ha sido descargado 953 veces
Página anterior 
MIKE COOPER