Nesta entrega d’El Corrector proponémosvos viaxar con nosotros a los raigaños de la música que más nos presta. Una hora onde vais sintir espirituales, mento y calypso, pinchando pa vosotros sones de llibertá. Y facémoslo dende Asturies, una tierra onde, talo qu’escribió l’escritor Xandru Fernández, el borrín ye’l sol de los esclavos.
Una hora dedicada a pinchar temes del sellu Pama, el rival míticu de Trojan y unu de los más preferíos polos skinheads. Dieciséis temes de soul y reggae, dieciséis cortes que van ponete a bailar como ta mandao, dieciséis producciones de lo meyor de Pama; en fin y en pos, música de lo negro y de lo bueno.
Animaos polos últimos díes soleyeros, quiximos ufrir una retafila de covers de les que se marcaran cuantayá los Blues Brothers, esa banda creada polos cómicos Dan Aykroyd y John Belushi. El Corrector yá nun cuenta con técnicu de soníu, que lu abandonó por perres, y eso nótase. Pero nun ta desanimáu; tai seguros que vuelvi la selmana qu’entra con más material de lo negro y de lo bueno.
El soul enllenó la hora d’El Corrector con temes de distintos palos, grupos y sellos discográficos. Les Supremes cubrieron la primer parte del programa, pa siguir falando y pinchando daqué cosa de southern y acabar poniendo’l ramu al primer mes d’El Corrector con histories y temones de Wilson Pickett. Y de mampurra pa les nuestres oyentes y siguidores (en directo, pela internet, en facebook y en twitter), una canción bien especial. Namás que vos preste.
Nesta entrega d’El Corrector pinchóse xamaicano d’autores, sellos, palos y dómines distintes (dende Phyllis Dillon a The Special AKA, dende Trojan a 2 Tone, dende rocksteady a versiones frenétiques d’skinhead reggae, dende grabaciones feches en Xamaica nel 1967 hasta les feches n’Inglaterra una década depués). Por un problema técnicu, demientres los primeros venti minutos de programa malapenes pue sentise la voz del conductor del mesmu, anque cola música nun hubo problema nengún.
20/07/2011
Categorias
El corrector
Editado por
radiokras
Este audio ha sido descargado 1071 veces
Página anterior 
russian escorts in gurgaon