Nel episodiu d’esta selmana siguimos col LP “In the dark” de Toots and the Maytals. Tamién aprovechamos pa sintir noveDubes de Tom Spirals & Dreadsquad, Misha1dem y Flying Vipers y Happy People Records.
Y pa finar la Miguina Esbilla, un corte de un 12’’ de Linval Thompson y A-Lone Ark Music Studio.
Dempués cuntamos como convidau con Rául de L’Economatu Discos col que charramos sobre la so tienda de discos online y más coses, amás de ximielgalo asgaya con temes de formaciones más cercanes y d’angüaño como Tito Pontet o el Lovers Rock de Agromondarrak y Tritone Grabaciones, y clásicos como Augustus Pablo.
Tornamos a les ondes, dempués d’unes pequeñes vacaciones con un Orixinal Ximiélgalo comandau por Miguina y Betamarri.
Nesti episodiu pinchamos en vinilu sones de The Termites, Desmond Dekker y Tacumah Reggae Band.
Tamién sentimos noveDUBes de Fajador Records y Caribean Uptempo, Carrol Thompson y Glady Wax, La Panchita Records y Matah, Chou y La Diligente Reggae Band en combinación con Balboa Music y el caberu llanzamientu de Mungo’s Hifi con Gardna y Catching Cairo.
Amás la estalla “Pallabres, Son y Puxu” y más música esbillada por Miguina Selektah.
Nel episodiu númberu 14 del Ximiélgalo Radio Show nun cuntamos con convidaes, pero si col vezu de sentir bona musica y bones vibraciones.
Entamamos l’asuntu con dos cancios en vinilo. Entamábamos presentando “Listen to the music”, pero pol contrariu, pinchemos la cara B d’esti 7 pulgaes del sellu Caltone y lo que sono foi “I can’t do no more” de The Emotions.
Dempués ensin fallu pinchemos “Ska Baby” de Boby Ellis & The Upsetters.
Pa siguir una riestra de noveDUBes de Akatz, Matah – La Panchita Records, Sista Cheka, Joe Yorke and Stand High Patrol, que rematamos cola estaya “Pallabres, son y puxu” na que falamos alrodiu del autor homenaxeau na Selmana de les Lletres Asturianes, Nel Amaro al son d’un dub y un canciu de La Tarrancha.
Dempués del impás lliterariu, más noveDUBes de Moon Mermaid, Ziztada eta Rlantz, Sumac Dub & Art-X y Crenoka.
Y pa rematar un cachin d’una de les mixtapes del colectivu Jah Vapor y la estaya “versiones, remezcles y otres milongues” onde despachamos l’especial Cloud Connection del sellu ODG Prod.
Nel programa d’esta selmana siguimos sintiendo música en vinilu de Trojan Records, y tamién del sellu Gay Feet.
Pa finar esti primer segmentu del programa esfrutamos de Winner, de Golden Gems, iniciativa de Capra Records.
Dempués falamos con Tharez que mos presenta el so llibru “Palacio Mental” y recitanos varios poemes.
Tras la entrevista y les llíriques, más sones d’influencia xamaicana con Txisi Txamas & The Titanians, Tirtha man atopando a Don Cosmic a los vientos y Harny Roots con noveDubes dende La Panchita Records.
Y pa finar un poco de dub y bass music con Dub Troubles, Panda Dub y Tetra Hydro K de los sellos Fat Bird Recording y ODG prod.
Otru episodiu ximielgando cadriles y concencies. Siguimos con temazos en vinilo de Trojan Records, descubrimos a Jennifer Barret y sintimos noveDubes de Dub Libitum, Time to Roots Records & Radio y George Palmer.
Y dempués d’estos temas inna MiguinaStyle, cuntamos como convidau con Twin Dread, el otru ximielgu de Twin Blood y parte de Allanai Sound System, que mos trae una esbilla dende los raigaños de la música xamaicana. Temazos asoleyaos de 1968 fasta’l 82.
22/06/2021
Categorias
Ximiélgalo Radio Show
Editado por
radiokras
Este audio ha sido descargado 298 veces
Página anterior 
russian escorts in gurgaon